Resumo

O título fai referencia aos trece poetas antologados: Francisco Cortegoso, Oriana Méndez, Jesús Castro Yáñez, Andrea Nunes Brións, Xabier Xil Xardón, Gonzalo Hermo, Berta Dávila, Ismael Ramos, Samuel Solleiro, Celia Parra, Alicia Fernández, Lara Dopazo e Antón Blanco.

Son 13 poetas que andan na trintena e que publicaron o seu primeiro libro despois do 2005, ano no que as eleccións autonómicas abriron un período histórico de circunstancias políticas e económicas novas. Neste sentido, os 13 poetas seleccionados por María Xesús Nogueira permítenlle aos lectores e ás lectoras descubrir unha paisaxe ata agora nunca abordada: a que xurde ao concluír en Galicia a longa transición democrática.