Liter21

LITER21 é un grupo interdisciplinar conformado por especialistas da Didáctica da Lingua e da Literatura, da Didáctica da Expresión Plástica, Didáctica da Expresión Musical, de Filoloxía e de Belas Artes. Un dos eixos do grupo é o estudo da Literatura dende a perspectiva das diferentes ramas que a conforman (Historia da Literatura, Teoría da Literatura, Crítica Literaria e Literatura Comparada) e, moi especialmente, o estudo da Literatura Infantil e Xuvenil (LIX) galega.

Os investigadores de LITER21 tamén se achegan  a outros campos do saber, tales como a educación artística, musical e literaria ou a estudos sobre innovación e investigación educativa baseadas nas artes (ABER). Entre as súas liñas de investigación atópanse as posibilidades educativas da LIX, o estudo da relación entre texto e ilustración ou as narrativas visuais.