Resumo

Realízase unha panorámica da presenza do mundo árabe na Literatura Infantil e Xuvenil galega do século XXI, abranguendo tanto temáticas tradicionais coma actuais. En primeiro lugar, preséntanse as versións, reescrituras e adaptacións herdeiras d’As mil e unha noites e doutros relatos míticos e lendarios; a seguir, examínanse as obras que amosan os conflitos bélicos e sociais; para rematar coas que manifestan a inmigración. Esta achega permite observar o tratamento da cultura árabe na literatura galega para os máis novos e descubrir como se reflicte o “Outro”, dende as imaxes máis estereotipadas até as máis innovadoras.