Breve biografía

En 1999 obtivo o Graduado en Fotografía na Universidade Politècnica de Catalunya e no 2011 finaliza o Grao en Fotografía e Creación Dixital no Centre de la Imatge i la Tecnoloigia Multimèdia da mesma universidade.

Despois dunha década traballando como fotógrafo freelance e profesor de fotografía, vídeo e deseño na educación non formal, incorporouse como colaborador en membro da Unidade de Atención Educativa en Altas Capacidades da Universidade de Santiago de Compostela. Posteriormente conseguiu un posto como profesor de Didáctica da Expresión Plástica na Universidade de Santiago de Compostela e na Universidade da Coruña, volvendo á USC en setembro de 2021. Forma parte dos grupos de investigación, LITER21 (USC) e Artefacto (UdC) colaborando en proxectos que analizan os procesos de aprendizaxe en Educación Artística. Despois dun tempo interesado na fotografía documental e nas diversas manifestacións da fotografía en contextos de arte contemporáneo, a súa actividade céntrase na investigación da fotografía como reflexo dos modos de actuar e comprender o mundo e a súa aplicación dentro do sistema educativo. A fotografía convértese así nun medio para reflexionar sobre o papel da imaxe na configuración da identidade e a transformación dos espazos públicos e privados que habitamos.