Doutor en Historia, Xeografia e Historia da Arte (Especialidade de Historia da Arte) pola Universidade de Santiago de Compostela co traballo “Rockstar Games. Innovación, investigación e intermediación na arte do videoxogo” [distintivo Cum Laude]. Licenciado en Historia da Arte pola Universidade de Santiago de Compostela e Master en Xestión do Patrimonio, Museos e Mercado da Arte pola Universidade de Santiago de Compostela e a Universidade de Las Palmas de Gran Canaria. Comisario da exposición Autómatas do Consumo na Galería El Taller (Santiago de Compostela). Na actualidade é técnico superior de apoio á investigación contratado polo grupo de Investigación LITER 21 da Universidade de Santiago de Compostela. As súas principais liñas de traballo son a cultura contemporánea de masas, con especial incidencia na estética videolúdica, o manga xaponés, a narración distópica e fantástica, e os procesos de intermedialidade nas novas formas culturais.