Resumo

A literatura infantil e xuvenil caracterízase, en primeiro lugar, polo seu compoñente estético. Sen embargo, a especificidade dos destinatarios fai preciso falar dun compoñente educativo e duns aspectos derivados das características propias do lector modelo. Tendo en conta esta tripla significación, o presente capítulo fará un breve repaso da evolución do tratamento didáctico da literatura para así identificar a importancia da dimensión emocional na comunicación efectiva entre lector e texto. Finalmente, analizaranse as obras O neno do pixama a raias e The Boy on the Top of the Mountain de John Boyne (Dublín, 1971) para xustificar a utilización da lectura literaria como recurso para a formación integral do lectorado máis cativo a partires da identificación cos personaxes da ficción.