Resumo

Neste traballo analízase a posta en práctica dunha proposta formativa para alumnado universitario baseada en proxectos de creación artística. Dita proposta diríxese a estudantes de 4º curso do Grao en Mestres/as de Educación Infantil e presenta a novidade de que concíbese a materia coma un proxecto en si mesma. Dende unha educación artística integral que estimula a exploración do sensorial e o aprendizaxe experiencial, proponse ao alumnado unha vía formativa que combina sesións performativas, talleres de experimentación, debates e discusións e o deseño e implementación de accións nun contexto real grazas á colaboración interinstitucional. Por mor dun estudo de caso ao longo de catro cursos académicos, recopiláronse diferentes evidencias que permitiron analizar o grao de aceptación e interese do programa. A investigación suxire que dende a formación inicial do profesorado débense impulsar accións formativas que faciliten a comprensión dos contidos interrelacionados, o emprego de materiais atractivos e ricos que permitan a súa manipulación e exploración sensorial, a autonomía dos estudantes, e a posta en práctica en contextos reais das experiencias levadas a cabo nas aulas universitarias máis alá do período de Prácticum.