Resumo

Neste capítulo descríbese o traballo docente colaborativo levado a cabo na materia optativa de 4.º curso do Grao en Mestre/a de Educación Infantil, Proxectos Integrados en Educación Artística. Para que os estudantes poidan comprender os principios, modelos e deseño dun proxecto planéase unha materia baseada na experimentación e creación artística e as pedagoxías performativas, estruturándoas en dous bloques: un primeiro bloque no que se presentan e estudan conceptos, artistas, experiencias e estratexias relacionadas ca educación artística (sesión performativas e talleres de experimentación) e un segundo bloque no que se deseña e implementa un proxecto nun contexto real.