Resumo

A integración das tecnoloxías dixitais nas aulas do século XXI e a competencia dixital constitúen algúns dos desafíos co profesorado de todos os niveis educativos debe afrontar na actualidade. Para estar ao día dos avances tecnolóxicos que van xurdindo ou para alcanzar o mesmo nivel de expertise que demostran os estudantes é precisa unha actualización constante. Os recursos dixitais actuais permiten a elaboración de materiais multimedia motivadores en todas as áreas do currículo á vez que poden impulsar un cambio metodolóxico que propicie enfoques atractivos e dinámicos, cuxo fin último sexa a mellora da práctica docente. Esta revisión documental sinala as aportacións que realiza a tecnoloxía dixital musical, delimitando as diferentes áreas que deberían incluírse na formación do profesorado polas múltiples posibilidades que ofrecen para enriquecer os procesos de ensinanza-aprendizaxe.