Resumo

Esta iniciativa de Aprendizaxe-Servizo combina a investigación educativa en torno ao uso da Música como recurso didáctico para a Educación Ambiental cunha experiencia práctica de intervención na aula. No marco da materia de Música en Educación Primaria, o alumnado universitario impartiu talleres musicais nun colexio para traballar valores de concienciación ambiental, con motivo da celebración do Día da Terra. O proxecto dividiuse en tres etapas; 1) deseño das actividades e preparación do material polo alumnado universitario, 2) implementación dos talleres en todos os niveis de Educación Primaria do centro receptor, 3) avaliación do proxecto entre a comunidade escolar e a comunidade universitaria. En todo o proceso, a música actuou como canal de difusión e sensibilización, amplificando o labor de concienciación ambiental. Concretamente, as actividades desenvolvidas mesturaron a escoita da natureza, a construción de instrumentos con material reciclado e a creación de paisaxes sonoros para abordar os problemas ambientais actuais, prestando especial atención aos que afectan directamente ao territorio galego (incendios, plantación de eucaliptos, sobreexplotación dos recursos, contaminación de mares e praias). A través de cancións, bailes, sonorizacións, ritmos e movemento, o Proxecto Terra permitiu sensibilizar á comunidade educativa sobre a problemática ambiental empregando á música coma unha ferramenta creativa e interactiva de concienciación social.