Resumo

Esta experiencia describe un proxecto didáctico de sonorización e musicalización desenvolvido no Museo de Zooloxía da Universidade Libre de Bruxelas. A experiencia tivo lugar a finais do curso 2016-2017, co obxectivo de facer accesíbel o contido do museo aos nenos e nenas de maneira lúdica e creativa. O proxecto materializouse en dous talleres de verán intensivos, abertos ao alumnado de 6 a 10 anos, orientados a descubrir o mundo sonoro e musical dos animais. Para iso, realizouse no museo unha instalación sonora baseada en módulos de son foto-sensíbeis, que contiñan os cantos dos animais máis representativos. Tomando como base estes sons, deseñáronse actividades de escoita e de recoñecemento auditivo, co obxectivo de coñecer aos animais partindo de actividades de carácter musical. Ademais, o taller combinou actividades dentro do museo con actividades no exterior, incluíndo paseos sonoros para recoñecer os sons reais dos animais e para recoller obxectos sonoros da natureza. A preparación do taller desenvolveuse ao longo de tres meses, durante os cales asegurouse a creación, deseño, e organización das actividades, así coma a súa difusión, comunicación e avaliación entre os participantes.