Resumo

A traxectoria histórica da investigación en educación musical está claramente definida e estudada no contexto anglosaxón. En España existen diversos traballos que iluminan o seu percorrido e que serven de antecedentes para a realización dun estudo exploratorio no ámbito iberoamericano. Este traballo aporta un achegamento ao estado da investigación en educación musical en Iberoamérica, presentando aos seus principais investigadores, as revistas indexadas nas principais bases de datos e aquelas relevantes para o campo, os países con produción científica e un contexto xeral da ensinanza e a investigación en educación musical en cada un dos países que compoñen a comunidade iberoamericana.